Innkaupaferð með Huldu

Við fórum að versla í Nóatúni um daginn og tókum yngri dótturina með.  Hún útvegaði sér litla kerru og rölti með hana um búðina og hugðist gera magninnkaup á kaffi og sjampói.  Pabbi hennar var nú á því að það myndi ekki ganga því Hulda ætti enga peninga.  Okkar manneskja svaraði að bragði (og með nokkrum þjósti) "Þeir vilja ekki peninga!"

Annars er allt bærilegt að frétta héðan.  Valgerður er hálfaum ennþá og fékk kvef svona í kaupbæti við annað.  Okkur býðst að fara í svona foreldrahóp fyrir börn eins og Huldu og mig vantar aðstoð fyrir Valgerði á mánudagskvöldið á meðan við erum í burtu.  Einhverjir umsækjendur?

Athugasemdir

[Hulda Katrín (IP-tala skráð) 30.3.2007 kl. 18:01]

Alveg rétt hjá henni!! Litlir krakkar vita ekkert hvað peningar eru nú á dögum,,þeir vita bara hvað kort er!! Peningar er bara hlutur sem er í smá peningum og er látið í sparigrísin!!