Skamm!

Í kvöld er ég alveg gáttuð.  Og jafnvel meira en hneyksluð.  Því úrslit prófkjörs Samfylkingarinnar hér í Suðvesturkjördæmi eru alveg með ólíkindum.  Samfylkingarmenn hafa semsagt ákveðið að Katrín Júlíusdóttir og Þórunn Sveinbjarnardóttir hafi minna fram að færa en Gunnar Svavarsson.  Með fullri virðingu fyrir þeim karli. en þá hafði ég ekki heyrt  á hann minnst fyrr en í prófkjörsundirbúningnum sem fór fram undanfarna daga.  En þessar tvær sem lentu "undir" kallinum eru búnar að vera starfandi af fullri einurð  og heldur sýnilegri en þessi náungi.  Og þetta kemur vel á vondan þegar formaðurinn er búinn að vera að andskotast út í alla aðra flokka en sinn eigin fyrir slakan árangur í að kjósa kvenmenn sér í forsvari.  This makes me bloody furious.  Og það er sennilega merkilegast fyrir þær sakir að ég er flokksbundin Sjálfstæðiskona frá því í fyrravor en það kemur samt ekki í veg fyrir að ég þekki góðar gáfur, einurð og fylgni við málstaðin þrátt fyrir andstæðar skoðanir í pólitík.  Eins og eiginmaðurinn segir (sem er miklu helblárri en ég!), mér finnst þetta viðbjóður.  Skamm!  Þið getið gert svo miklu betur.  Skamm skamm!

 

Athugasemdir

[Auður stóra systir (IP-tala skráð) 6.11.2006 kl. 00:28]

Sammála, sammála, sammála! Skil ekkert í þessum Gunnari og sé ekki betur er Hafnarfjarðarmaskínan sé að fylkja sér bak við hann. Allir spilltustu plebbar hjá krötunum í Hafnarfirði. Þessi umræðustjórnmál henna Sollu skila engu og síst af öllu styrk til kvennanna í apparatinu. Ef þið haldið að unnið sé af heilindum á kratabænum í Hafnarfirði, þá skuluð skoða málið betur. Þeir telja sig bara þurfa að segja það sem fellur vel í pöbulinn á hverjum tíma. Skítt með að trúa á það sem maður segir. Maður segir nú bara eins og Danir vinir okkar: "Fy for fanden". 

[Þórdís Guðmundsdóttir, 6.11.2006 kl. 01:07]

Heyr, heyr stóra systir!  Ég var svona að spá í hvort ég ætti að láta reiðilesturinn standa en ákvað að hann væri ágætur eins og hann er.   Ég er enn á sömu skoðun!

[Hulda Katrín (IP-tala skráð) 7.11.2006 kl. 12:47]

Þú getur kosið pésa frænda næstu helgi,,hann er óttaleg kerling! Mér finnst nú að hann ætti að koma með körfu fulla af möffins til þess að sleikja upp atkvæði hjá þér,,því að það getur eiginlega engin í ættinni kosið í SV kjördæmi!