Konur standa saman

 Ég sá þetta á síðunni hennar Dísu Dóru og birti það hér með 

Sunnudaginn næstkomandi munu konur standa saman, í bókstaflegri merkingu, fyrir betri heimi komandi kynslóðum til handa. Konur geta tekið sig saman og staðið í garðinum heima hjá sér, í sumarbústaðnum eða hvar sem þær eru staddar kl. 13 á Hvítasunnudag.

Á Reykjavíkursvæðinu er konum, og ástvinum þeirra, stefnt í Laugardalinn nánar tiltekið við Þvottalaugarnar. Það verður safnast saman og íhugað í þögn í 5 mínútur um betri heim með hreinu drykkjarvatni, nægum mat og lífi án ofbeldis, öllum börnum til handa. Hringt verður inn í þögnina kl. 13:00.

„Standing Women" er alþjóðleg hreyfing kvenna sem tók höndum saman 11. maí á síðasta ári fyrir betri heimi. Í ár verður sami háttur á og nú með þátttöku íslenskra kvenna en í fyrra stóðu konur saman í öllum heimsálfum, samtals 75 löndum. Á þessari slóð má sjá myndband frá atburðinum í fyrra: http://www.youtube.com/watch?v=_eNJ4oVQKxU

Undirrituð samtök kvenna á Íslandi eru í forsvari fyrir viðburðinum hér á landi og hvetja félagsmenn sína jafnt sem konur á landinu öllu til að taka þátt!
Kvenréttindafélag Íslands, Kvenfélagasamband Íslands, UNIFEM á Íslandi, Blátt áfram og Stígamót.

Athugasemdir

[Þórdís Guðmundsdóttir, 9.5.2008 kl. 23:14]

Það er greinilega stór dagur hjá þér!  Ég vissi um ferminguna en brúðkaupsafmæli er frábært!  Við héldum einmitt upp á átta ára brúðkaupsafmæli 22. apríl á Ítalíu en þegar við dröttuðumst loks til að gifta okkur höfðum verið saman í tólf ár!  Njóttu sem allra best!

[Gunnar Helgi Eysteinsson, 11.5.2008 kl. 15:51]

Ég stend með konum...