ÞAU UNNU!

Ég er þvílíkt að rifna úr monti og stolti núna að það hálfa væri nóg.

Valgerður semsagt tók þátt í First Lego League keppninni í dag.  Ég skrapp niður í Öskju í hádeginu og horfði á þau flytja kynninguna sína.  Fyrir mína parta var það aldeilis fínt og glæsilegt, þau eru búin að standa sig með þvílíkum sóma í störfum sínum að það dugði alveg prýðilega.  Verðlaun væru jú bónus en ekki atriði í sjálfu sér.

Svo fór ég heim en fylgdist með verðalaunaafhendingunni í gegnum netið.  Þau unnu ekki fyrir rannsóknarverkefnið og svo voru veitt hin og þessi verðlaun en ekkert var að gerast.  Svo komu næst síðustu verðlaun, besti bíll í braut minnir mig að það heiti, og þá unnu þau!  En svo voru aðalverðlaunin og haldið að þau hafi ekki barasta unnið þau líka!!!  Ég var með Sigga í símanum á meðan þetta var lesið upp og foreldrarnir eru alveg að tapa sér af stolti yfir vísindanördinum okkar.

Hér er heimasíða Nanóveranna sem er það sem liðið heitir.  Fullt af skemmtilegum myndum og lesningu.

Og svo segir maður barasta: HIP HIP!  HÚRRA! HIP HIP!  HÚRRA! HIP HIP!  HÚRRAAAAA!

Athugasemdir

[Auður og viðhengin (IP-tala skráð) 12.11.2006 kl. 03:28]

Frábær frammistaða hjá ungu dömunni og hennar hópi. Við sendum innilegar hamingjuóskir frá Akureyri.

Auður, Helgi, Jón Gestur og Gerður.

[Kristin Helgadottir (IP-tala skráð) 15.11.2006 kl. 18:54]

Ekkert lítið flott hjá dömunni og vinum hennar, til hamingju með dótturina......

 Bestu kveðjur úr bleytunni í DK

Kristín Siggi Birta og Helgi