Ja hvur....

Sælt og blessað veri fólkið.

Ég er kom heim í nótt eftir langt og strangt ferðalag, labb á gígantískri húsgagna, hönnunar, innréttinga og húsbúnaðarsýningu, margar og langar lestarferðir og svo borgarlabb með meiru.  Ég legg í ferðasöguna á morgun eða hinn en er gáttuð á atburðum á meðan ég var í burtu.  Eru okkar ágætu bílstjórar að tapa vitinu?  Það er búið að sækja um undanþágu frá Evrópureglunum um hvíldartíma, bensíngjald er í endurskoðun eftir að hafa verið óbreytt í fjölda ára og hverjar eru eiginlegu kröfurnar sem standa eftir?  Og er líkamlegt ofbeldi svo þrautalendingin?  Og hvað í dauðanum kemur þetta Abbas og Palestínumönnum við.  Það sést best á því hvað við Íslendingar erum saklaus og höfum það gott, að í þau örfáu skipti sem lögreglan lætur til sín taka byrjar söngurinn um lögregluofbeldi.  Manni hefur nefnilega sýnst að hér á Íslandi reyni menn öll önnur ráð áður en farið er að taka á fólki.  Ég er náttúrlega nýkomin frá Ítalíu, með stoppi í Bretlandi og á báðum stöðum ganga lögreglumenn vopnaðir.  Það er ekki gert hérna.  Og svo eru mér sérstaklega minnisstæðar frönsku löggurnar sem allar sem ein voru með vel notaðar og snjáðar kylfur.  Hefur einhver hér prófað að brúka sig við bandaríska lögreglumenn?  Hvað þá að ráðast á þá eins og er reglulega gert hér á Íslandi.  Ég legg til að áhugasamir reyni fyrir sér með svipaðar aðgerðir í öðrum Evrópulöndum eða US of A og athugi viðbrögðin. 

Þetta var smáfjas svona í ferðalok.  En ég er með fráhvarfseinkenni eftir Ítalíuferðina og er að búa til pizzu með mozzarella, hráskinku og rucola. Buon appetito!

Athugasemdir

[Sigrún Friðriksdóttir, 25.4.2008 kl. 19:04]

Velkomin heim, gleðilegt sumar og ég er alveg yfir mig sammála þér með þessi læti. Íslendingar halda OFT að þeir séu alveg sér á báti !! Hlakka til að lesa ferðasögu

[Þórdís Guðmundsdóttir, 25.4.2008 kl. 19:06]

Takk takk!

[rannveig (IP-tala skráð) 26.4.2008 kl. 13:17]

Thetta er náttúrulega allt thér ad kenna ad thvaelast af landi burt og allt verdur vitlaust á medan!

Velkomin til baka,sjáumst kannski í sumar.

Lordi-landinn 

[Hulda Katrín (IP-tala skráð) 27.4.2008 kl. 15:28]

Velkomin heim! Mesta snilldar setningin sem sagt hefur verið í þessu mótmælum er ,,Ég þekki þennan mann ekki neitt, en hvað er að löggunni að ráðast á mann nýkomin úr aðgerð!,,

[Auður systir (IP-tala skráð) 27.4.2008 kl. 15:55]

Velkomin heim og gleðilegt sumar. Bíð spennt eftir ferðasögunni enda forfallin aðdáandi Ítalíu og ítalskrar menningar. Sumarkveðjur til systranna og pabba þeirra.