Dagur á Lansanum.

Fyrst ber að nefna að húsbóndinn átti afmæli í gær og gáfum við mæðgurnar honum góða gjöf.  Ljós lífs míns er semsagt orðinn fertugur!

En í dag vorum við á Barnaspítalanum hvar Hulda var tekin í hin ýmsustu tékk.  Hún stóð sig vel litla stýrið en það var mikið lagt á mína manneskju og dálítið er nú búið að skæla í dag.  Núna liggur hún enn og sefur og missti þar af leiðandi af verðlaununum frá Lansanum sem var huggulegur hestur.  En eins og allir vita þá er Hulda talsverð áhugamanneskja um hesta.  Við versluðum líka verðlaun fyrir að standast þolraunirnar og verða þau afhent í kvöld þegar litla manneskjan er vöknuð og pabbi kominn aftur heim.

Ég er ekki búin að gleyma loforði mínu um seinni hluta ferðasögunnar en það hangir dálitið á því að ég hafi tíma til að setja inn myndirnar sem eiga að vera með. 

Nú ætla ég að fara að huga að prinsessunni og gá hvort hún fari ekki að rumska af lyfjasvefninum. (Á hverju var eiginlega Þyrnirós?)

Athugasemdir

[Auður og Helgi (IP-tala skráð) 28.9.2006 kl. 13:01]

Kæri mágur/svili; Vér norðlendingar sendum okkar bestu afmæliskveðjur og vonum að fjölskyldan hafi tíma til að halda upp á þessi merku tímamót. Við þökkum góða og hlýja viðkynningu á undanförnum árum og vonumst til að eiga enn fleiri skemmtileg ár framundan með þér. Við biðjum Þórdísi, Valgerði og Huldu Ólafíu að kyssa þig frá okkur.