Dugleg í dag

Í dag var tekið til og sorterað í tveimur herbergjum.  Við Valgerður fórum í gegnum skápa og skúffur á minna baðherberginu og þrifum innréttinguna að innan.  Út úr því komu tveir fullir pokar af rusli.
Svo tókum ég og bóndinn til í skápum og skúffum í anddyrinu.  Þar skiluðu sér tveir ruslapokar, heill svartur poki af yfirhöfnum og heill svartur poki af skóm, hverjir munu fara í Sorpu á morgun.  Allt svo þrifið og raðað snyrtilega inn í skápa aftur.

Two down, several to go!  Við ætlum nefnilega að fara svona í gegnum allt húsið.  Ruslið hefur nebblega fengið að fjölga sér óáreitt í talsvert langan tíma, tala nú ekki um að við vorum meira eða minna hálflömuð síðastliðið eitt og hálft ár.

Cleanliness is next to Holiness!

Athugasemdir

[Garún (IP-tala skráð) 3.6.2007 kl. 09:44]

Það er alltaf góð tilfinning að vera byrjaður að taka til. Maður gleymir alltaf þessari góðu tilfinningu þegar allt er orðið hreint og fínt. Á meðan þið svitnuðuð í tiltekt þá skemmtum við okkur alveg frábærlega í Fjölskyldu- og húsdýragarðinum með Huldu og Kötu. Ég sá mest eftir því að hafa ekki verið með myndavél og náð mynd af Huldu og Kötu leiðast saman um allan garðinn. Alveg hrikaleg krútt, báðar tvær.

Kveðja,

Guðrún Björk