Lagið hans Stefáns

Þegar Siggi var úti í Köln fyrr í vetur keypti hann þennan disk og kom með heim.  Við höfum aldrei átt disk með Grappelli sjálfum, bara heyrt í honum í samhengi við Django Reinhardt svo það var kominn tími á að skoða manninn betur.  Sumir eldsúrir djassmenn á netinu halda því fram að þetta sé ekki "alvöru" djass, bara nostalgía, en við hlustum ekki á svoleiðis tuðara.  En "nýja" uppáhaldslagið mitt er þetta og einnig er hægt að heyra á þessum disk hið stórgóða lag "Oh by Jingo" sem Bertie Wooster tók svo eftirminnilega í Jeeves og Wooster þáttunum.  Ég hef reyndar gríðarlega gaman af öllu sem tengist þessum tíma, hönnuninni, tónlistinni og tíðarandanum.  Kannski var ég að bauka eitthvað þarna í fyrra lífi?  Eða kannski ég var bara sléttuindíáni eins og annar hver andlega sinnaður Íslendingur var í fyrra lífi, sérstaklega um 1988.

Athugasemdir

[Hulda Katrín (IP-tala skráð) 1.4.2007 kl. 17:26]

Hulda fékk þann heiður að kaupa í matinn í gær! Það var bent á eða rétt henni þá hluti sem átti að kaupa, sem var látið í litlu körfuna með glöðu geði! Hún henti öll draslinu líka á búðarborðið og lét manninn fá kort til þess að geta borgað fyrir hlutina! Þetta fannst Huldu algjört sport!! En mest sportið var að hjálpa mér í eldhúsinu,,svaka stuð að búa til kjötbollur!! En hún hafði engan áhuga á þvi að borða þær!!