Digursky!

Valgerður á afmæli í dagi!  Hún hélt feikna veislu með fullt af stelpum í gærkvöldi og við hin skruppum í Hafnarfjörð á meðan og borðuðum Búlluborgara.  Svo gistu tvær vinkonur nóttina hjá henni og ég tróð þær svo út af amerískum pönnukökum í hádeginu.  Reyndar skulum við kalla þær kanadískar pönnukökur þar sem hlynsíróp var notað með þeim.  Valgerður og Ýr voru feiknaduglegar að baka fyrir veisluna og gerðu meðal annars sérskreytta hunangstertu að hætti Nigellu subbukokks.  Fín kaka en skal neytt í hómópatískum skömmtum því hún er gríðarlega sæt.

Við vorum hins vegar geysilega dugleg í vikunni og máluðum herbergið hennar í retrógrænum lit og afrekuðum það á minna en tólf tímum þrátt fyrir aðrar annir.  Enda er gamla settið doldið lúið núna.

En í kvöld verður eldaður huggulegur matur fyrir ungu konuna, gefnir pakkar og glápt á vídjó.

Annars, má búast við því að undirrituð trekki aftur í gang í bloggheimum, það hefur bara verið svo fruntalega mikið að gera.  En heimur batnandi fer, skatturinn bráðum búinn og bara þrír fundir/læknisheimsóknir eftir í þessum mánuði.  Mikið ætla ég að hafa það næs um páskana!

Athugasemdir

[Júlíus Garðar Júlíusson, 17.3.2007 kl. 18:03]

Mamma heitir Valgerður og á afmæli í dag

[Þórdís Guðmundsdóttir, 17.3.2007 kl. 18:10]

Enda góður dagur fyrir Valgerðar að eiga afmæli á.  Til hamingju með mömmu þína!

[Kristín, Siggi, Birta og Helgi Hrafn (IP-tala skráð) 18.3.2007 kl. 12:04]

Til hamingju með litlu frænkuna mína..... megið þið eiga frábæra páska og slaka fullt á þar sem þið eruð búin að vera á yfirsnúningi svona lengi.

 Bestu kveðjur úr köben

Kristín

[Garún (IP-tala skráð) 18.3.2007 kl. 19:30]

Til hamingju með litlu snúlluna. Valgerði var sárt saknað í bústað en hún kemur bara með okkur seinna:)

Kveðja,

Guðrún Björk